بنات رضوي الشربيني يتعرضن للتنمر… ما السبب؟

كشفت الإعلامية رضوي الشربيني عن تعرض بناتها للتنمر من خلال برنامجها "هي وبس" الذى يعرض على قناة "سي بي سي سفرة" وأوضحت أن سبب تعرض بناتها للتنمر هو أول فيديو الذى كان سببا فى شهرتها بعد أن وجهت نصيحة لفتاة بعمل بلوك لخطيبها السابق بعد تخليه عنها ولم تكن تتخيل أن يكون الفيديو سبب فى شهرتها ونجاحها.

وتابعت: "مع انتشار الفيديو تعرضت لهجوم شديد بسبب المضمون الذى تقدمه فى حلقاتها وتابعت رضوي الشربيني: "كم الهجوم عليا كان رهيب لدرجة إنى طلبت من إدارة البرنامج أجازة لأنى حسيت بحاجة غلط".

وأكدت أن الفيديو أثر على بناتها وأن زملائهم فى المدرسة كانوا يوجهون لهم سؤال مش أنتوا ماكتكوا بتاعة البلوك ؟.

وأضافت رضوي الشربيني قائلة :"قفلت على نفسي الباب والتليفونات وقعدت أعيط وكنت متخيلة أن الفيديو ده عملي فضيحة".

وتابعت قائلة :"كرهت الموضوع ده جدا ساعتها وحسيت إن الناس بتتكلم عليا وأنا مش متعودة وكده الرجالة هتكرهني والستات كمان هتكرهني وإني فشلت فشل ذريع".

وأكدت أن حياتها تغيرت بعد إذاعة هذه الحلقة قائلة :"كنت دايما يقول يا رب مش عايزة أتشهر.. عايزة الستر والصحة وشوية فلوش اعرف اصرف بيهم على نفسي وعيالي.. يا رب مش عايزة أصلا ابقى غنية.. الفيديو ده غير حياتي وحسسني بالمسؤولية.. وبقيت أقول يا رب خليني استغل شهرتي في إني أقدر أساعد غيري وخليني سبب يمكن أعرف أخش بيه الجنة".

وختمت رضوي الشربيني كلامها قائلة :" إتقلبت حياتى وشخصيتى تماما وطريقة تفكيرى بقت مختلفة والبرنامج كله راح فى حتة تانية ".