تراجع ميار الببلاوي عن تصريحاتها وتتهم وفاء مكي: ليكى عين تكذبى

تراجعت الفنانة والإعلامية ميار الببلاوي عن تصريحاتها الأخيرة ببراءة الفنانة وفاء مكي وأكدت أن وفاء مكي كاذبة وإنها من عذبت الفتاتين ،وتعجبت من تصريحات وفاء مكي الأخيرة ودفاعها عن نفسها.اضافة اعلان

وكتبت ميار الببلاوي عبر حسابها على موقع التواصل الإجتماعى "فيس بوك" قائلة :"اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا".

وأضافت :"أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة".

وإختتمت ميار كلامها قائلة :" في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس".


جدير بالذكر أن الفنانة والإعلامية ميار الببلاوي قد أكدت على براءة الفنانة وفاء مكي وأن الفتاتين رجعوا من عند وفاء مكي غير محروقين وإن وصلها ورقة تهددها بذبح إبنها لو شهدت مع وفاء مكي .