عمرو مصطفى لـ محسن جابر: إنت بتزور التاريخ فى السن ده

حل المنتج محسن جابر ضيفا على برنامج "حديث القاهرة" الذى يقدمه الإعلامي خيري رمضان، وتحدث عن أول مقابلة بين عمرو دياب وعمرو مصطفي قائلا: "وأنا فى شركة عالم الفن جات لي السكرتيرة وقالت لي إن في واحد بيعيط عايز يقابلك وكان عمرو مصطفي لإن الليلة اللي قبلها عرف إن عمرو أديب بيسجل في إستوديو راح يسمعه أغنية وفتح عليه أوضة التسجيل وهو بيغنى فقال مين ده؟ طلعوه برة فجالي يعيط وبيقولي رموني برة".اضافة اعلان

وأكمل محسن جابر حديثه قائلا: "كنت رايح لعمرو دياب فقلت له تعالى معايا وخدته وسمعته لعمرو دياب فعمرو دياب قال الله الأغنية حلوة فقلت له أومال عملت ليه كدة في الراجل إمبارح قاله: هو أنت؟! ولولا إنى أخدت عمرو مصطفى معايا ماكنش شاف عمرو دياب".

من جانبه كذّب المطرب والملحن عمرو مصطفى كل ما قاله المنتج محسن جابر وكتب على موقع التواصل الإجتماعى "فيس بوك": "يعني بتزوّر التاريخ وأنت في السن ده… طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة… ولي حق الرد في نفس البرنامج أو برنامج آخر لفتح كل ملفاته وملفات شركاته وجميع الفنانين الذين يطلقهم على القنوات علشان يهاجموني… أنت مَن دمرت الفن في الوطن العربي".