محمد رمضان: الناس متعرفش إن محمد صلاح صديقي المقرب

إستضاف الإعلامى معتز الدمرداش فى برنامجه "ضيفى" على شاشة الشرق الفنان محمد رمضان وتحدث عن صداقته بالمهندس نجيب ساويرس ولاعب الكرة محمد صلاح وعن لقبه بنمبر وان.اضافة اعلان

قال محمد رمضان :" مفيش مغنى بيغنى للذات المهندس والدكتور والنجار هيبقى حابب يسمع نمبر وان ولقب نمبر وان بقى براند وبشكر سوق الإعلانات فى مصر اللى من خلاله درست التسويق وعجبتنى الفكرة ".

وعن سؤاله عن لقب نمبر وان هل مؤمن به بالفعل أم مجرد تسويق رد عليه قائلا :" لاء طبعا للتسويق وبتعامل أني علامة تجارية في حد ذاتي، وأنا منتج يمكن تقديمه بيبيع في السينما وفي المسرح وبيبيع في الدراما وبجيب إعلانات، ومفيش ولا فنان عربي عنده على يوتيوب 5 مليار مشاهدة.. أنا عندي 5 مليار و100 مليون وعلى تيك توك عندي 9 مليار".

وتابع رمضان كلامه قائلا:"فى جملة للشيخ محمد بن راشد بحبها أوى وهى الناس متعرفش شخص طلع على القمر الناس تعرف أول واحد.. عجبني الفكرة ليه منخدش السبق؟ويمكن ده اللى بيميزنى إنى مش بخاف ووصلت لمكان كبير فى الدراما بعد مسلسل الأسطورة ".

وتحدث عن أصدقائه :"نجيب ساويرس والمهندس محمود الجمّال صديقي جدًا، ومحمد صلاح صديقي المقرب ويمكن الناس متعرفش ده وبنتكلم مع بعض علطول، وصلاح شخص مش متردد".

جدير بالذكر أن أخر أعمال الفنان محمد رمضان التلفزيونية هو مسلسل "جعفر العمدة" الذى حقق نجاحا كبيرا فى مصر والوطن العربى فى الموسم الرمضانى 2023 بطولة محمد رمضان ،زينة ،إيمان العاصي ،مي كساب ،منة فضالي ، هالة صدقي ،أحمد داش ، المسلسل من تأليف وإخراج محمد سامي .