برعايه:
آخر الأخبار:
مدير أعمال شيرين يعتذر عن مواصلة أعماله
- +
- -
أعلن إيهاب صالح مدير أعمال الفنانة شيرين عبد الوهاب تخليه عن مهامه فى إدارة أعمالها عقب نجاح حفلها الأخير فى جدة وتوجه إليها بالشكر والتوفيق فى مشوارها القادم.
كتب إيهاب صالح عبر حسابه الشخصى على موقع "تويتر" :"جمهور شيرين العظيم ، الحمد لله على نجاح حفل جدة كما كان متوقعاً وده العادي بتاع شيري في أي حفلة. أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللي فاتت لها في المقام الأول وطبعا بعد كده ليا. قررنا إن من الأفضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين ولينا أسبابنا".
وتابع إيهاب قائلا :"مبروك وشكرا يا شيري من كل قلبى ويارب أكون كنت على وعدى وكلمتى ليكى إنى دايما فى ضهرك والحمد لله الدنيا دارت من أول وجديد وتكسرى الدنياحفلة بعد حفلةوخلاص أهو الألبوم على الأبواب ومتأكد إنه هينجح نجاح غير عادى فرحان بشكل ملوش وصف بنجاحك ورجوعك بالقوى دى وده اللى أتعودنا عليه منك طول السنين دى أنا كده كده دايما موجود زى ما أنتى عارفة وربنا يديم كل اللى على خير وأسف لو فى أى لحظة كنت قصرت معاكى بأى شكل ".
وأضاف :"أحب أشكر كمان جمهورك أكيد اللى مشوفتش منوا غيركل خير وحب شكرا بجد من كل قلبى طبعا أكيد شكر كبير لسيادة المستشار تركي آل الشيخ (أبو ناصر)على كم الدعم الكبير منوا بمجرد إنه شاف صورة رجوعك للأستوديو وقد أيه كان مهتم بشيرين ومقدر قيمتك وتقديرك بشكل يليق بيكى وده مش غريب عليه ودايما فى ضهر كل الفنانين العرب كده كده دى شهادة حق لازم تتقال ".
وإختتم كلامه قائلا:"ربنا دايما يحبب فيكي خلقه ويبعد عنك أي شر بكل أشكاله ويكتب لك السعادة.. أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما علي القمة".
فور إعلان إيهاب صالح إنفصاله عن شيرين عمليا عدد كبير من متابعى شيرين إتهموا حسام حبيب إنه السبب الرئيسى وراء تغيير أكثر من مدير أعمال لشيرين فى زمن قياسى وإنه السبب فى إنفصال إيهاب صالح بعد تحقيق نجاحات كبيرة لشيرين فى حفلاتها الأخيرة .
