أحمد فهيم: بكيت لما شفت صورتي على أفيش "جعفر العمدة"

كشف الفنان أحمد فهيم عن كواليس مشاركته فى مسلسل "جعفر العمدة" بشخصية "سيد"شقيق محمد رمضان التى لاقت تفاعلا كبيرا بين رواد مواقع التواصل الإجتماعى.اضافة اعلان

صرح أحمد فهيم" ET بالعربى":"إن الشخصية التى أقوم بدورها فى مسلسل "جعفر العمدة" هى صعبة جدا ومن أصعب الشخصيات اللى عملتها من أول مابدأت شخصية سيد مش عبيط هو راجل جواه طفل، وده التناقض اللي عامل الحالة دي".

وعبر عن سعادته بنجاح دوره قائلا:"كان حلمى لما قررت التمثيل يكون عندى كارفان أوضة بتاعتى وأكون على أفيش أشوفه فى الشارع زى ما بشوف أفيش المسلسلات والأفلام والحمد لله أتحقق الحلم.

وتابع فهيم: "أحمد داش بعت لى صورة الأفيش وبارك لى ولما شفتها دموعى نزلت لأنه حلم من زمان ولما ماكنتش بشوف صورتى أو أسمى فى أفيش أعمال أخرى كنت بشجع نفسى وأقول بكرة هيكون موجود ولما حصل سعادتى ما تتوصفش.

تحدث أحمد فهيم عن مشهد الصفعة من محمد رمضان له فى أحداث مشيرا إنها من أصعب المشاهد التى قدمها قائلا:"من المشاهد الصعبة جدا وأتاخد من كذا زاوية لما خدنا زاوية محمد رمضان كنت بعيط ودموعى نازلة ولما خدنا من زاويتى فصلت وماكنتش عارف أعيط وبوجه عام كل الشكر والتقدير لمحمد رمضان هو خدنى على جنب وقال لى هنعمل المشهد ده على روح الفنان خالد صالح لما سمعت كده روحت فى حتة تانية والحمد لله عملنا مشهد حلو.

تحدث عن تعاونه مع الفنانة هالة صدقى قال:"فى الكواليس لما تقولى إزيك يا سيد أقول لها أزيك يا أما تقولى كتك مو أمك أزاى وهخلفك إزاى.

وأضاف عن تعاونه مع المخرج محمد سامى :"يرجع كل الفضل محمد سامى فى الحالة اللى أنا وصلت لها فى المسلسل بيقعد معانا قبل كل مشهد والحمد لله بتطلع كويسة زى ما أنتم شايفين.

جدير بالذكر أن الفنان أحمد فهيم يشارك فى مسلسل "جعفر العمدة"الذى ينافس فى الموسم الرمضانى 2023 بطولة محمد رمضان ،زينة ،إيمان العاصى ،مي كساب ،منة فضالى ،عصام السقا ،مجدى بدر ،أحمد داش ،وعدد من النجوم من تأليف وأخراج محمد سامي.