"بصرخ كل يوم" ..البلوجر سارة محمد تكشف حقيقة إيداعها فى دار أيتام

نفت البلوجر سارة محمد والتى فقدت بصرها فى حادث منذ شهور وضعها فى دار أيتام .

وفى فيديو لها عبر صفحتها بموقع انستجرام قالت " ناس كتير بتقول انى أنا فى دار ايتام ...أنا يا جماعة مش فى دار ايتام .. كل الفكرة انى مش قادرة افضل قاعدة فى نفس المكان اللى اتعرضت فيه للظلم والحادثة والتخلى عني .. مش قادرة أفضل فى نفس المنطقة للأسف لانى حادثتى كانت نفسى الطريق .. والتخلى عنى وكل حاجة سيئة حصلتلى فيه"اضافة اعلان

وأضافت سارة " نفسيتى تعبت ويوميا بصوت وأصرخ ، ولما اروح عند الدكاترة واعدي على طريق الحادثة بقعد اصرخ " الحقوا عايزين يموتونى"  .. فقررت انى ابعد عن كل الناس اللى أذتنى وتخلوا عنى ووصلونى لمرحلة وحشة، الحمد لله على كل حاجة  ، أنا قاعدة عند عمو وطنط بكامل إرادتي ، بخرج واتفسح وبروح جلساتى .. المكان هناك عملى مشكلة نفسية وعملى خوف ورعب .. أنا جيت هنا علشان مرتاحة وبعدت عن كل حاجة سببتلى أذى نفسي " .

كانت صفحة سارة محمد بموقع انستجرام أعلنت فى مارس الماضى فقدانها بصرها نهائيًا بعد عدة عمليات واستشارات طبية خضعت لها إثر تعرضها رفقة خطيبها لاعتداء بلطجية بطلقات "خرطوش" أصابت عينيها.