غادة عبد الرازق: "مش بصوم رمضان لما يكون عندى تصوير"

حلت الفنانة غادة عبد الرازق ضيفة على برنامج "سبوت لاين" للمذاع على قناة "صدى البلد" مع الإعلامية شيرين سليمان وقالت: إن المشاركة فى الدراما الرمضانية يحكمها وجود العمل المناسب.اضافة اعلان

وأضافت قائلة:"لو ربنا كرمنى بحاجة كويسة بنزل شغل  فى رمضان ومينفعش أنزل كعبء على الناس ليه أعمل فى نفسى كده ومفيش حاجة إسمها عمود من أعمدة رمضان".

وأكملت غادة عبد الرازق إنها منشغلة الأن بتصوير مسلسل "تلث الثلاثة" المقرر إذاعته فى النصف الثانى من شهر رمضان وقالت:"لما بيكون عندي تصوير في رمضان مبصومش، لأني مبقدرش، وكمان بسبب الأدوية ومناعتي ضعيفة، والشغل ممكن يستمر يوم متواصل، لذلك لما مبيكونش عندي تصوير بصوم عادي زي كل الناس".

وأنهت حديثها: "زمان كنت بحب اتفرج على فوازير نيللي وشريهان وهما سبب حبى للتمثيل كنت بحب أقلد نيللي وشريهان وبحاول حاليا لما أرجع البيت الساعة 4 ونص أتفرج على التليفزيون.

جدير بالذكر الفنانة غادة عبد الرازق ستشارك فى السباق الرمضانى 2023 فى النصف الثانى بمسلسل "تلث الثلاثة" بطولة غادة عبد الرازق،ماجد المصري،نجلاء بدر،أحمد مجدي،ليلي أحمد زاهر،صلاح عبدالله مصطفي درويش ،محمد القس،المسلسل من تأليف هبه الحسيني وإخراج حسن صالح.