برعايه:
آخر الأخبار:
كريم فهمى :"أخدت كورتيزون" لمدة سنة بسبب أزمة منتصف العمر
- +
- -
استضافت الإعلامية منى عبدالوهاب فى برنامجها "أنا والقناع" على شاشة الحياة، الفنان كريم فهمي وكشف عن علاقته بأسرته وزوجته دانيا البناوي، مشيراً في حديثه إلى أنه لا يتخذ قرارا إلا بالرجوع إليها.
قال كريم فهمي: "أهم حاجة فى حياتى أهلى أبويا وأمى وأخويا ومراتى وبناتى... مراتى إستحملتنى كتير ومفيش قرار باخده غير لما أكلمها وبقيت بطمن بدخولها كل تفصيلة فى حياتى"
تحدث عن الوشم الذى فى يده بإسم زوجته قائلا: "الوشم اللي على إيدي باسمها مش وليد اللحظة ودي تراكمات، واستحملتني بشكل كبير من كل الجوانب من وقت ما اتقدمت لها، وكنت معتمد على نفسي تماما، وكان عندي عيادة عاملها في حتة شعبية، وكان عندي بيت أمي اللي كانت جيباه وسرق مني بشكل ما".
وأضاف :"فى الأول روحت لحمايا وقلت له عندى شقة وبعدها بيومين قلت له معنديش ومراتى إستحملت إنى راجل عينه زايغة ومفيش راجل مش كده وأكيد كل واحد عنده غلطاته بس فى الأخر قدرت تتحكم فى ده وقدرت إنها تتحكم فى حياتى".
وأكد إنه أصيب بمرض فى القولون وإنه ظل عام كامل يتناول الكورتيزون بسبب ضغط الشغل قائلا: "أنا من الناس القليلة اللى بيشتغل على معظم أفلامه اللى بكتبها بشتغل بقلب وعينى على كل تفصيلة وده عامل لى مشاكل كبيرة فى الجلطات والقولون".
وتابع: "أصيبت بقرح في القولون بسبب الضغوطات الكبيرة، وقعدت سنة كاملة اخد كورتيزون بسبب أزمة منتصف العمر، لكن أوقات بتعامل مع ناس عايزة تخلص الشغلانة وخلاص، وأنا مش بتاع ده".
