ياسمين عز لمتابعيها: اتجوز مهندسة.. معروفة بحواجبها والمحشي هيترص بهندسة

شجعت الإعلامية ياسمين عز متابعي برنامجها "كلام الناس"، المذاع عبر قناة MBC مصر، على الارتباط بالمهندسات، معددة الكثير من مزايا الخطيبة والزوجة المهندسة.اضافة اعلان
وقالت ياسمين عز في حلقة اليوم من البرنامج: "يا سعدك يا هناك يا فرعون لو إتجوزت مهندسة، كفاية فخامة الاسم، عارف مصطلح على الفرازة وبنت زي الكتاب ما بيقول، ده معمول مخصوص علشان المهندسة".
وأضافت: "إوعى تصدق الإشاعات المغرضة على جروبات الجامعة، إن بنات هندسة مسترجلين أو مش حلوين، أحلى بنات وأكثر أنوثة، كل خطوة عندها بحساب، وكل قرار محسوب بالمازورة، وحياتك معاها هتمشي بالمسطرة، سواء في مصروف البيت أو خزين المطبخ أو فواتيرك وأقساطك".
وتابعت: "البنت المهندسة تتعرف من حواجبها، دايما هتلاقي حواجبها الاثنين زي بعض، ولما ترتبط بيها هتلاقي تطبيقة هدومك في الدولاب منظمة جدا، ومفيش المشكلة الأزلية، فين فردة الشراب يا مدام".
ونبهت ياسمين عز متابعي برنامجها إلى ميزة قد لا تكون معروفة بقولها: "المفاجأة التي لا يعرفها الكثير من الرجالة إن المهندسة حريفة بلاي ستيشن، ومش بعيد تشيلك سكور، ومن أهم مميزات مراتك أو خطيبتك المهندسة إنها لما تعمل حلة محشي مش هتلاقي صباع ورق عنب مختلف عن التاني، وهتعملها برصة هندسية".