فيه مؤامرة.. أديب: الدولة بتتفرج على انهيار نادي الزمالك

عقب الإعلامي عمرو أديب، على هزيمة الزمالك أمام البنك الأهلي بثلاثية، في إطار منافسات دور الـ 16 لبطولة كأس الرابطة، وتأهل الأخير إلى الدور ربع النهائي من كأس الرابطة بعد فوزه.اضافة اعلان

وقال أديب، خلال برنامجه "الحكاية"، عبر فضائية "إم بي سي مصر"، مساء الإثنين: كل يوم فريق الزمالك بينزل التدريب مش عارف مين مدربه.. النهاردة عبد المقصود وبكرة عبد المعبود، متسائلًا: معقول تاني أكبر فريق في مصر مش عارف له مدرب؟.. ده شيء مهين وبايخ وشكله وحش، ليه بيتعمل فينا كده.. ليه الزمالك بيتهان؟.

وتابع أديب: فيه طفل صغير نزل الملعب إمبارح والجماهير قالت مش بعيد يجيب الجول الرابع في عواد، إعملوا اللي انتوا عايزينه في الزمالك بس المشهد ده ميتكررش، حرام اللي بيتعمل في النادي ومقدرش أحمل اللاعيبة مسؤولية الهزيمة، فيه ناس داخل نادي الزمالك مبسوطين بالهزيمة.. فيه مؤامرة في قلب النادي.

وأكمل الإعلامي عمرو أديب: الوضع من سيء لأسوأ.. الفريق من غير إدارة كسب الدوري مرتين.. كفاية حالة الإنكار دي، متابعًا: رئيس النادي يرجع .. احتمال.. طب هاتوا لجنة تدير الفريق .. لما نشوف، الفريق خارج المنافسة على أي بطولة، والدولة بتتفرج على انهيار النادي، مؤكدًا: نادي الزمالك أحد مؤسسات الدولة وضياعه ضياع لأموال الدولة.