صابرين: قلت لمصطفي درويش اتجوز قالي أنا همشي بدري

نعت الفنانة صابرين الفنان مصطفي درويش عن عمر يناهز 43 عاما خلال مداخلة هاتفية ببرنامج "مساء دى إم سى"التى تقدمه الإعلامية إيمان الحصري وقالت : "أنا أعرف مصطفي من زمان من قبل مايمثل كان بيشتغل فى شركة فودافون كنت رايحة أغير رقمى وقابلته وكان أبن بلد وجدع وقتها قاللى إنتى عارفة أنا نفسى أمثل وبحب التمثيل فقلت له تعالى مثل وعدت الأيام وإشتغلنا مع بعض وقلت له إنت ممثل شاطر".اضافة اعلان

وأضافت :"وإحنا بنصور مسلسل "كله بالحب" قلتله يا أبنى إتجوز بقى قالى تفتكرى هعيش لما أربي العيال فقلت له ليه بتقول كده لا حول ولا قوة إلا بالله فقالى أنا همشي بدري كنت مستغربة لما سمعت كلمة همشي بدري ولما اتوفى جالى فلاش باك كتير لما كان بيحكى معايا".

وختمت كلامها :"مصطفى درويش مايغلاش على اللى خلقه ويارب تكون نومته فى الجنة والخير اللى بيعمله وولائه لعائلته وأهله يقعدله".

وكان قد رحل الفنان مصطفى درويش عن عمر يناهز 43 عاما إثر أزمة قلبية وحرص عدد من الفنانين حضور الجنازة والصلاة عليه فى مسجد الحصري بمدينة 6 أكتوبر.