برعايه:
آخر الأخبار:
صور| إيهاب صالح مديرا لأعمال كارمن سليمان بعد شيرين
- +
- -
نشر إيهاب صالح المدير الأعمال السابق للفنانة شيرين عبد الوهاب صورة له برفقة الفنانة كامن سليمان وزوجها الملحن مصطفي جاد عبر حسابه الشخصى على موقع "تويتر" وعلق عليها قائلا :"سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي، شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار القادمة من مصر للكل الفترة الجاية و افتكروا كلامي ده كويس".
وأضاف إيهاب صالح قائلا:"طول حياتي بحب التحدي و الحمد لله بكرم و توفيق من ربنا كبير دايما بكون قد التحدي. شكرا على كل الدعم من كل الناس و كل الامنيات الجميلة الفترة إللي فاتت و أللى جاي إن شاء الله. املى فيكم كبير بعد ربنا سبحانه وتعالى لجمهور كارمن بقي، الكل يجهز نفسه كويس عشان إن شاء الله في اخبار كتير حلوة و جامدة قريبا و يا رب ابقي عند حسن ظنكم".
وتابع :"و برضه عشان الشكر وأجب ، حابب اشكر مهندسين الاتفاقية دي ، الاخ الأكثر من عزيز و الصحفي المحترم، محمد عاشور، والملحن و الفنان أللى خارج الصندوق تماما و الاخ العزيز مصطفي جاد، وإللي دايما في ضهري كدة كدة و مع أي قرار و خطوة ، الشاعر العبقري و أخويا الصغير مصطفي ناصر، و طبعا اكيد علي رأس دول كلهم أهلي الغاليين، بيتي و المقربين ليا في شغلي و من الوسط ، ربنا يخليهم ليا و يديمهم في حياتي".
وإختتم كلامه قائلا:"ربي اجعل النجاح رفيق دربنا ووفقنا لما تحبه وترضاه".
جدير بالذكر أن إيهاب صالح كان قد أعلن عن إنفصاله عمليا عن شيرين عبد الوهاب وذلك من خلال صفحته الرسمية على موقع "تويتر" بعد إنتهاء حفلها فى جدة متمنيا لها كل التوفيق قائلا :"جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة.. أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب خلال الفترة اللي فاتت ليها في المقام الأول، وطبعا بعد كده ليا قررنا أن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين، ولينا أسبابنا".
