نساء "جعفر العمدة" وصفاتهن.. هل تقابلتِ مع هذه الشخصيات؟

لاقت الشخصيات في مسلسل "جعفر العمدة"، نجاحاً كبيراً، ومن ناحية الشخصيات النسائية، فهي شخصيات مستوحاة من الحياة، وممكن نقابلهم في حياتنا سواء بين الأصدقاء، الجيران، العمل، أوحتى الأقارب، هل قابلت تلك الشخصيات في حياتك من قبل، أو تشعر أنك تميل إلى أحدهن؟

(صفصف) الملكة
مقتنعة إنها الملكة، والكل لازم يقدم لها فروض الولاء والطاعة والسبيل الوحيد عشان تتقي شرها هو إنك تطبل لها.



(ثريا) الدبور بيزن على خراب عشه
تعمل المصيبة وترجع تعيط وتقول ياريت اللي جري ما كان وأول ما الجو يهدي ترجع تزن على مصيبة جديدة.




(دلال) الحرباية
سبب كل المصايب اللي في حياتك، بتخطط للشر بمزاج، تبان في وشك الحبيبة الحنينة لكن في ضهرك بتطعنك، وبتتلون عشان متتكشفش.




(نرجس) الغراب
أول واحدة تبلغك بالأخبار الشوؤم "العصفورة"، وتفضل تنوح على حياتها وعيشتها ليل ونهار، بس في الآخر راحتها أهم.




(عايدة) اللي نافشة ريشها
على طول مناخيرها فوق ومش متقبلة أي رأي غير رأيها هي وبس ودايما غامضة، لكنها مدارية حقيقتها.



(أم شوقي فتح الله) السماوية
ست بتبخ السم في ودان كل اللي حواليها وبتزقهم على فعل الشر، وعندها طاقة انتقامية غريبة.




(وداد) أم وش مكشوف
عندها استعداد تعمل أي حاجة المهم توصل لهدفها، أنانية ومتعرفش حاجة عن العيب والحرام وأستاذة في إنها ترمي بلاها على الناس ومبتتكسفش من اللي بتعمله.