رضوى الشربينى تكشف عن 10 خطوات لفشل العلاقة: "لو عايزة تطشفى الراجل منك"

كشفت الإعلامية رضوى الشربينى، خلال إحدى حلقاتها من برنامجها "هى وبس"، المذاع عبر قناة " cbc سفرة"، أسباب فشل العلاقات العاطفية.


قالت ساخرة :" لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع فى غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى". اضافة اعلان


وأضافت: " خليه يحس قد ايه أنتى متمسكة بيه وأن ولائك ليه يقوم يحبك ويقع فى غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض".

واستنكرت قائلة :" ازاى أصلا أشوف وأفكر ازاى الراحل اللى فى حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة فى بلايين من الرجالة على كوكب الأرض غيرك يحبونى وهعرف احبهم".


واستكملت: "مستحيل افكر ازاى ارضى راجل هأأأوو، اللى يحبك يبقى زى ما أنتى ياما بوسة كبيرة لبابا ولماما وطنط وإحنا مش عايزينه، وأب بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".
ش