"ممنوع دخول المحجبات".. شرط مطعم شهير بالتجمع يثير جدلا واسعا

أثار منشور  نشره مواطن يدعى "هيثم الصدفاوي" جدلا واسعا وغضبا على مواقع التواصل الاجتماعي، يهاجم فيه الشاب أحمد حجي صاحب سلسلة مطاعم "ESCA HOSPitality" الشهيرة بالتجمع الخامس.اضافة اعلان

وحصد المنشور الكثير التعليقات والمشاركات من قبل رواد مواقع التواصل الاجتماعي، مطالبين بضرورة إغلاق المطعم ومحاسبة صاحبه.



وقال هيثم: "عم الشباب الأمور ده فاتح مطعم في التجمع الخامس  ظريف وبيفكر وعايز يشتغل، ربنا يرزقه".

تابع: "بس وهو بيحط القواعد لتشغيل المطعم، يعني النضافة فين، والأطباق تتغسل إزاي والمفارش والتراببزات شكلها إيه.. رايح ضايف بند كده وهو "ممنوع دخول المحجبات".


أوضح الصدفاوي: "في زميلة صيدلانية محترمة  إسمها الدكتورة عهود محمد، كانت مستضيفة أصدقائها تحتفل معاهم بعيد ميلادها في المطعم، فطردها هي وأصحابها علشان فيهم محجبات، وبيقولها أنتوا مقولتوش إنكم محجبات".

أضاف: "أبو حميد حقك تحط القواعد اللي إنت عايزها، لا هنقولك عنصرية ولا هنقولك ده مش بيحصل في أي مكان في الدنيا، ولكن هنقول للناس علي البند اللي أنت حاطه ونعرفهم بيك وبمطعمك الظريف علشان يقوموا بالواجب وتاخد الشهرة اللي تستحقها".

 استكمل: "حقك علينا يا دكتورة.. معلش القانون ضعيف والرجالة إنقرضت".