ولعت بين ياسمين عز ورضوى الشربيني.. تفاصيل الخناقة

في الساعات القليلة الماضية نشب خلاف بين الإعلامية رضوى الشربيني والمذيعة ياسمين عز، وبدأ الثنائي في الرد على بعضهما عبر منصات التواصل الاجتماعي.

وبدأ الشجار عندما ردت الإعلامية رضوى الشربيني على منشور عبر منصة تويتر يقول: " البيت بفلوس الراجل وتيجي مراته تقوله اقلع الجزمة عشان السجادة.. دى أنا أحط فساتيني الماركات تحت رجله يمشي عليها".
 
وردت رضوى قائلة: "وأنا أقول الكلام دة ليه.. أنا ست عندها كرامة.. كلام العبيد دة مش بتاعي.



وبعد ذلك علقت الإعلامية ياسمين عز عبر الأستوري الخاص بحسابها الشخصي بموقع تبادل الصور والفيديوهات "إنستجرام".

قالت ياسمين: "كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة".


تابعت: "مدام بليز كرامتك وقعت منك أخر مرة هناك ابعتي عبد مظلوم من عندك يجيبها قبل ما تسيح في الشمس".

أضافت: " واحكيلنا بالمرة قواعد بيات المرأة الأربعون برة بيت الزوج من غير إذنه.. سلينا كدا في الأجازة لأنك بقيتي مملة وشطبتي محتوى.. حتى في تلقيحك مملة.. زيرو محتوى.. زيرو أنوثة.. بس الأمانة استرجال ليفل الوحش".


أوضحت: "دة أنا مش بس أدوس على الفساتين الماركات.. دة أنا أدوس على أي حد علشان خاطر الفرعون الصغير الكبير.. بعمل دة في الحياة العادية وبقوله في العلن.. إنما بكون لما يكون فيه خرابة بيوت بتبوس الجزم في السر وتعمل فيها مظلومة وتطلع في العلن تحكيلنا ماسأة المرأة الأفريقية.. كدا انتي محتاجة علاج يا مدام... روحي اتعالجي يا مدام في تشوهات نفسية وشياط وغيرة ويأس بدأ يتجلى ويترعرع في الأنحاء".


وواصلت: "وبلاش نشغل أسطوانة المرأة الحديدية.. عسان المرأة نفسها لو عرفت انتي ايه هيجيلها صدمة دماغية حضارية".

واختتمت قائلة: "بقولك يا كابتن جربي حطي إسمي تاني فس تلميحات أو تلقيحات.. علشان هنتفرج كلنا وقتها أنا هدوس على إيه تاني غير الماركات.. وأهو بالمرة نحكي الحكايات ونسلي الناس في الأجازات".



















اضافة اعلان