خالد الصاوى: حبي للتمثيل من طرف واحد

حل الفنان خالد الصاوي ضيفاً في برنامج "أنا والقناع" وتقدمه المذيعة منى عبد الوهاب على فضائية "الحياة".

كشف الصاوي خلال اللقاء تفاصيل عن حياته الشخصية وعشقه للتمثيل بشدة، وقال: "لدي الكثير من الهوايات ولكن التمثيل هو حياتي أنا حاليًا ومن سنوات ممثل محترف وأحب الكتابة ولكنى أظن إنى ممثل أولا ثم كاتب لحين ما يثبت شئ أخر".اضافة اعلان

وتابع: "لما قعدت وراجعت نفسى لقيت إن التمثيل أول حاجة فى كل هواياتى  لأنه كان أكثر وجع عندي لأني كنت بحس إني بحب التمثيل بس هو مش بيحبني".

وأضاف الصاوى فى حواره: "أنا عارف إنى فيا عيوب كثيرة بس مش عارف أسيطر عليها والتمثيل كان قمة الحاجات اللى بحاول أوصلها ومع الوقت أكتشفت إنى لازم أبص لنفسى نظرة تانية وإنى مش بتاع نفسى بس طالما إني فنان الناس هتحب فيا حاجة معينة وحبوني عشان بمثل مش عشان حاجة تانية".

وأكد: "التمثيل هو اللى صرف على المسرحيات اللى كتبتها وأخرجتها مع أفضال مسرح الهناجر وبعد مراجعتى لنفسى وإمكانياتي لقيت إن تعدد مواهبى هى كروت ليا علشان علاقتى بالحياة بقت أفضل".

جدير بالذكر إن الفنان خالد الصاوى يشارك فى السباق الرمضانى 2023 ب4 مسلسلات وبشخصيات مختلفة يشارك فى "الكتيبة 101" ،"جت سليمة"،"مذكرات زوج"،"سره الباتع".