"محدودة الموهبة وبنديلها قيمة".. ماجدة خير الله تهاجم حلا شيحة

غيابها أو وجودها لا يترك أثر واحنا بندي قيمة كبيرة بالحديث عن وجودها او اختفائها هي فنانة محدودة الموهبة ، وفيه عشرات عشرات من الممثلين الموهوبين بجد محتاجين الى فرص .. بهذه الكلمات هاجمت الناقدة الفنية ماجدة خير الله الفنانة حلا شيحة .اضافة اعلان

وقالت خير الله خلال مداخلة هاتفية لبرنامج ( قعدة ستات ) الذي تقدمه الإعلامية مروة صبري على قناة القاهرة اليوم " هناك فنانات موهوبين جداُ ونالوا فرص وأثبتوا وجودهم ، احنا بنضيع وقت مع حد مش مهتم بالفن وبيسىء الي مهنة الفن وبيخلى الناس تعتقد ان المهنة شغلانة اى حد يدخل فيها ويطلع زي ماهو عايز " .

وتعليقاً على نجاح بعد الأفلام التى شاركت فيها مثل عريس من جهة أمنية مع عادل إمام وشريف منير واللمبي مع محمد سعد وعبلة كامل قالت خير الله " النجاح منسوب للنجوم الكبار فى العمل ، حظها انها تواجدت فى مجموعة أفلام مع ناس هما اللى شايلين الحكاية ، هي مجرد بنت لطيفة شكلها حلو ، والكلام دا من 15 سنة ، دلوقتى لم تعد البنت اللطيفة الحلوة فيه 15 مليون واحدة طلعوا بعد كده موهوبين وحلوين وسنهم مناسب ، احنا ليه ماسكين فى أهداب واحدة مش مهتمة بالشغلانة الفنية خالص ، فى وقت فراغها لما تكون متضايقة وزعلانة تقول اما اعملى فيلم " 

كان أشرف زكي نقيب المهن التمثيلية أعلن فى تصريحات صحفية انه سيستطلع رأى الأسرة الفنية فى عودة حلا شيحة متوقعا موافقتهم علي عودتها .